Vídeo | Trump declara a guerra comercial a España por negarlle as súas bases para atacar Irán

O presidente de EE.UU. ordena o cesamento de "todo o comercio" co noso país como represalia pola negativa de Sánchez a usar bases militares españolas no recente ataque contra Irán. 
 

a ameaza latente durante os últimos meses converteuse hoxe nunha ameaza abrupta. O presidente de Estados Unidos, Donald Trump, anunciou esta tarde, nunha comparecencia conxunta co chanceler alemán Friedrich Merz na Casa Branca, a súa decisión de romper todas as relacións comerciais con España. A medida, dun calado diplomático e económico extraordinario, chega como resposta á negativa do goberno de Pedro Sánchez a permitir que as bases militares estadounidenses en territorio español fosen utilizadas para os bombardeos do pasado fin de semana contra Irán.

A noticia caeu como un xerro de auga fría nos círculos económicos.  O presidente da Xunta, Alfonso Rueda, xa anticipara nos últimos meses a necesidade de "evitar as guerras comerciais" e minimizar o impacto de calquera represalia externa 

"España foi terrible", chegou a afirmar Trump durante a súa intervención, segundo publican axencias internacionais. 

O  mandatario republicano xustificou a súa decisión non só pola negativa no conflito con Irán, senón que tamén cargou contra o goberno español pola súa negativa a aumentar o gasto en defensa até o 5% do PIB, un limiar que el mesmo presionou para que alcancen os aliados da OTAN. "Imos cortar todo o comercio con España. Non queremos nada con España", sentenciou, engadindo que deu instrucións ao Secretario do Tesouro para que execute a orde -

A orde executiva de Trump e os seus efectos prácticos son aínda unha incógnita xurídica e loxística. É dicir, está por ver en que se concreta. Ademais, o presidente do Goberno anunciou que mañá fará declaracións. A mensaxe que chega da Comisión Europea é de manter unha fronte negociadora único fronte a Estados Unidos.

A resposta oficial de España, difundida a última hora da tarde a través dun comunicado e fontes gobernamentais, articúlase ao redor de varios eixos. En primeiro lugar, o Executivo reivindica o papel de España no contexto internacional, lembrando que é un "membro crave da OTAN, que cumpre cos seus compromisos" e unha "potencia exportadora da UE e un socio comercial fiable para 195 países do mundo, entre eles EE.UU.".

O núcleo da mensaxe de Moncloa á Administración Trump é claro: se Washington quere "revisar" a relación comercial, deberá facelo "respectando a autonomía das empresas privadas, a legalidade internacional, e os acordos bilaterais entre a Unión Europea e EE.UU."

Para acougar aos sectores económicos e á cidadanía, o Goberno asegurou que España "conta cos recursos necesarios para conter posibles impactos, axudar aos sectores que puidesen verse afectados, e diversificar cadeas de subministración".

A estratexia do Executivo pasa por transmitir "tranquilidade" e non engadir "incerteza" a un contexto xa de seu complexo. De feito, apenas unhas horas antes de que Trump lanzase a súa andanada, o ministro de Asuntos Exteriores, José Manuel Albares, asegurara que non esperaban "ningunha consecuencia" pola negativa a usar as bases, insistindo en que as instalacións de Rota e Morón son de "soberanía española" e o seu uso debe enmarcar na legalidade internacional. "Non hai ningunha presión", chegou a afirmar Albares, negando que Washington trasladase unha queixa formal.