Cortes de tráfico no viaduto da autoestrada Dozón-Ourense sobre a A-52 desde o luns

As obras de mantemento do viaduto da autoestrada Dozón-Ourense (#AG-53) sobre a A-52 provocarán afeccións de tráfico a partir deste luns, 12 de xaneiro.

Tal e como trasladou a Xunta nunha nota de prensa, trátanse de traballos de renovación e melloras dos apoios do taboleiro sobre as pilas do viaduto, os cales requirirán o izado do taboleiro.

Os traballos constarán con dúas fases diferenciadas, sendo a primeira a colocación dunha estrutura metálica auxiliar. Durante esta primeira etapa, cuxa duración inicial se estima entre 3 e 5 días laborables, só será necesario cortar un dos dous carrís da calzada da autovía AG-53 (sentido Ourense).

Na segunda fase da intervención, procederase ao izado do taboleiro do viaduto e á execución dos traballos de renovación e mellora dos apoios do taboleiro sobre os capiteis das pilas.

Durante esta fase, cuxa duración se estima entre 2 e 4 días laborables, será necesario realizar o corte total da calzada e a habilitación do correspondente desvío, o cal está previsto para o vindeiro luns, día 19 de xaneiro.

Así, ambas as fases deberán repetir para cada un dos 5 apoios do viaduto, polo que se estima que as obras finalizarán ao longo da próxima primavera.