Controlado un incendio no barrio de Covadonga, en Ourense

A Consellería do Medio Rural dá por controlado un incendio declarado este domingo en Ourense, concretamente no barrio de Covadonga

Segundo detallaron estas mesmas fontes, o lume iniciouse ao redor das 15.40 horas deste domingo e afectou a menos dunha hectárea de superficie.

Aínda que "non se tivo constancia de perigo para as casas", até alí desprazáronse dous axentes, cinco brigadas --entre eles os bombeiros municipais--, un helicóptero, dous avións e dúas motobombas. Cabe destacar que deron por controlado o incendio ao redor das 17.25 horas.