O BNG sitúase ao lado dos avogados e procuradores da quenda de oficio e as súas demandas salariais

Máis de ano e medio nas trincheiras. É o tempo que levan os avogados e procuradores da quenda de oficio en pé de guerra contra as administracións públicas, que de momento fixeron caso omiso ás demandas salariais e laborais dun colectivo obrigado a garantir á poboación un dereito como o das asistencias xurídica gratuíta. A histórica folga indefinida iniciada en novembro de 2023 paralizou miles de procesos nos xulgados e provocado situacións históricas como as baixas masivas na quenda en distintos xulgados de todo o país. Con todo, os encargados de sentar a negociar co colectivo, sendo no caso de Galicia a Xunta por ter as competencias en materia de Xustiza, seguen dando o silencio por resposta aos profesionais, que buscan amparo noutras forzas políticas.

SALRIO E XUBILACIÓN DIGNA

Esta mañá foi a portavoz nacional do BNG, Ana Pontón, a que levou até o Parlamento de Galicia unha batería de medidas para defender ao colectivo, co que mantivo un encontro con representantes do Sindicato Venia, que abandera as protestas, para atender as reivindicacións do sector, que persegue o recoñecemento dun estatuto propio onde se contemplen todas as melloras que defenden desde hai anos. 

Entre as propostas do BNG está a subida do orzamento que a Xunta concede á asistencia grautiza e un baremo retributivo "xusto" para a quenda de oficio, propio dun servizo público como o que queren recoñecer. Iago Tabarés e Ramón Fernández tamén estiveron presentes na reunión con Venia, onde reiteraron que sen as melloras non pode garantir unha asistencia axeitada e igualitaria para os cidadáns. 

Os nacionalistas instan o Goberno de Alfonso Rueda -que en declaracións a este diario dixo ser sensible coas demandas do colectivo e puxo en valor as cantidas que achega a Xunta aos ICAs- a que "negocie e aprobe dunha vez por todas un novo baremo de retribucións máis xusto e equitativo", pois lembra que hai que considerar que "as retribucións actuais son inferiores ás que había no ano 2009 si temos en conta o que significou o IPC durante todo este tempo".
 

A continuación, Pontón puxo énfase en que os pagos se recalculen seguindo un novo sistema e fáganse "en tempo e forma" aos Colexios de Avogados para os gastos de funcionamento e infraestruturas, tendo en conta que nos últimos anos as demoras volvéronse unha constante. De igual maneira, a líder do BNG subliña a necesidade de que se inclúa o trámite de conciliación na xustiza gratuíta tal e como contempla a lei, aínda que esta non se fixo efectiva en Galicia, algo que considera "moi grave". 
 

NEGATIVA DE DIEGO CALVO

Por iso, desde o Bloque lanzan a luva ao conselleiro de Presidencia, Xustiza e Deportes, Diego Calvo, para que se reuna dunha vez por todas co colectivo, ao que sempre derivaron ao director xeral de Xustiza, José Tronchoni, mostrando a súa negativa a abrir un diálogo cos avogados e procuradores.
 

"En Galicia, o PP pretende que tamén o acceso á xustiza dependa da conta bancaria, a pesar de que estamos a falar dun dereito fundamental", reprende Pontón, que pide tamén unha "xubilación xusta" para o sector cunha Pasarela ao RETA para os afectados pola mutualidad.