O paso de Kirk deixa tocado ao sector agrario con fortes danos en pataca e millo

As próximas semanas serán cruciais para poder albiscar o panorama que se lle presentará ao campo galego despois de Kirk. O 2024 foi un ano chuvioso, tamén no verán e isto trouxo colleitas de millo case históricas, co que os gandeiros vían boas expectativas para o ensilado. Con todo, a borrasca tombou a maioría das plantas e deixou uns terreos reblandecidos pola auga. En canto a outros cultivos, a castaña viuse moi prexudicada polo vento e as choivas que fixeron caer o produto das árbores. O cultivo de pataca pódese ver tamén prexudicado ante a inundación dalgúns terreos na Limia onde non se puido recoller toda a colleita. Existen varios factores, por tanto, que preocupan aos agricultores e gandeiros despois de Kirk.

PRIMEIRAS VALORACIÓNS

As próximas semanas son cruciais para saber canto se pode salvar da colleita de millo destinado a ensilar. Os campos sementados deste cereal mostran plantas caídas como un manto sobre o terreo que está empapado pola choiva. Isto fai que a tarefa de recoller a planta sexa difícil xa que coa entrada de maquinaria pesada o solo pode compactar e o millo recolleito acabe resultando de moi mala calidade. 

Isto por unha banda, porque as hectáreas agora ocupadas polo cereal estaban destinadas a ser terreo para seméntaa de herba forraxeira que se segaría na primavera. Se se atrasa seméntaa da herba, xunto a un millo pobre, os agricultores e gandeiros ser verán obrigados a comprar gran e forraxe incrementando os gastos de produción.

A día de hoxe, os primeiros cálculos estimados por Unións Agrarias (#UUAA) cifran en 65,5 millóns de euros en perdas relacionadas co millo. “Tememos que as perdas sexan maiores co paso dos días, cando xa teñamos a maior parte da información” di Óscar Pose. Máis cultivos danados foron a “faba de Lourenzá” (habichuela de Lourenzá) porque “na comarca da Mariña tivemos un verán chuvioso e isto prexudicou ao cultivo que non secou en condicións óptimas” di Isabel Vilalba do Sindicato Labrego Galego (#SLG). Estímase nunha porcentaxe moi elevada as perdas neste cultivo.

Ante este panorama debúxanse dous escenarios, o primeiro é a perda do 100% nos cultivos e noutros casos dependerá da evolución inmediata. Esta recuperación tamén inclúe o deslizamiento de terras fértiles/fértiis que vaian a parar aos cursos de auga. A capa de terra fértil (terra vexetal) é moi lenta de recuperar, aínda así, neste aspecto non se esperan grandes danos debido a que o terreo aínda estaba firme ao non haber retirado o cultivo.

AFECTACIÓNS ECONÓMICAS

Kirk deixou tamén dúbidas ante as axudas da PAC (Política Agraria Común). Estas axudas dependen do que os agricultores declaren que van cultivar e canta superficie van dedicar a ese cultivo durante o inverno. Por tanto, o acceso ás axudas europeas dependen duns compromisos que os profesionais do campo adquiriron e que agora mesmo non sábese si poderán cumprir, sobre todo se o acceso aos terreos permanece bloqueado polo estado do firme.

Por outra banda, os cortes de luz afectaron moito ás granxas leiteiras e isto fixo que recorresen a xeradores, moitos deles con motores de combustible. Isto inflúe no ordeño das vacas destinadas a produción leiteira, pois estes animais deben ser ordeñados varias veces ao día con máquinas. 

Ante os problemas que poidan xurdir coa recollida de millo e seméntaa de forraxe nos terreos, estímase que o recurso á compra de pensos e forraxes aumentará e incrementará os custos que deban pagar os agricultores e gandeiros. “Teñamos en conta que aínda se está consumindo produto ensilado o ano pasado e o produto dispoñible no mercado non é moito” dice Pouse. 

E isto último afectará o prezo da carne e o leite en orixe? “Nos prezos non hai grandes variacións aínda que viñamos dun escenario de baixadas continuas” sinala Vilalba. E os seguros agrarios poden axudar en parte a paliar a situación? Realmente non se pode asegurar todo, aínda que hai seguros importantes para cubrir os danos do xabaril no millo. Con todo, as diferentes liñas de cobertura supoñen uns custos elevados para a explotación xa que entre outros figurarían: responsabilidade civil, animais mortos, enfermidade e maquinaria entre outras.

Agora mesmo o problema está en que se a pluviosidad non diminúe, moitos cultivos veranse afectados de forma negativa, isto á súa vez repercutirá en gastos de alimentación para o gando. Tampouco se poderán recoller outros produtos como os frutícolas danados polo vento e a choiva. En tal caso, desde o sector agrario e gandeiro espéranse liñas de axudas para soportar os posibles efectos colaterais de Kirk.