Morre un operario nas obras da AVE en San Cribao dás Viñas e outro traballador resulta ferido
O accidente, cunha plataforma elevadora, tivo lugar ao redor das 10 horas nas obras da variante exterior do tren de alta velocidade ao seu paso polo municipio ourensán.
Un traballador perdeu a vida e outro resultou ferido ao sufrir un accidente cunha plataforma elevadora nas obras da variante exterior da AVE en San Cibrao das Viñas (Ourense).
Segundo a información do 112 Galicia, o suceso produciuse sobre as 10.00 horas deste martes e foi un particular o que deu a voz de alarma e explicou que un operario quedou atrapado por unha peza da maquinaria cando traballaba nun elevador.
A central de emerxencias deu alertou aos servizos de Urxencias Sanitarias de Galicia-061, á Garda Civil, aos Bombeiros do Polígono de San Cibrao das Viñas e ao GES do Pereiro de Aguiar.
Unha vez no punto, os bombeiros tiveron que intervir para liberar o corpo do falecido, que quedou atrapado tras o accidente coa plataforma elevadora. Ademais, os servizos sanitarios confirmaron que outro operario sufriu unha lesión nunha perna.
O suceso, segundo fontes coñecedoras do suceso consultadas por Europa Press, non afecta, polo momento, á circulación de trens.
Escribe o teu comentario