A Xunta comeza a abonar as axudas aos solicitantes do bono social térmico e eléctrico

O pasado mes de xullo a Xunta de Galicia datou para o mes de setembro o abono das axudas aos solicitantes do bono eléctrico e térmico, e o Goberno de Galicia está a cumprir coa súa promesa. Despois de meses de incerteza e inquietude por parte de moitas familias beneficiarias, finalmente, tal e como confirman desde a Consellería de Economía e Industria a este diario, os primeiros pagos comezaron a realizar esta semana e nos próximos días chegará a todos aqueles con a súa solicitude aprobada. 

UN ÚNICO PAGO

"Podemos confirma que xa estamos a realizar os primeiros pagos", indicaban desde a Consellería a consulta de Galiciapress. Lembramos que o pago, que podería alcanzar até os 123,94 euros -dependendo da zona do solicitante, si é máis fría ou o nivel de vulnerabilidade do mesmo-, consiste nun único ingreso anual que se embolsa directamente na conta bancaria onde o consumidor ten domiciliada a súa factura eléctrica.

Por outra banda, cabe destacar que a axuda se aplica independentemente da fonte de enerxía utilizada para calefacción, auga quente ou cociña, xa sexa gas natural, butano, propano, gasoil, pellets, entre outros.

DE PRIORIDADE A ELIMINACIÓN

Foi o director xeral de Planificación Enerxética e Minas da Xunta de Galicia, Pablo Fernández Vila, o que se comprometeu a principios de xullo a abonar as axudas no noveno mes do ano durante a Comisión de Industria, Enerxía, Comercio e Turismo.

Foi en resposta á pregunta que lle trasladou o nacionalista Xosé Manuel Golpe Acuña, que puxo énfase na importancia que teñen estas axudas para moitas "contas familiares" e haber feito chegar "no primeiro trimestre do ano". 

Vila asegurou que estes bonos eran entón "a prioridade número un da Consellería" e alegou que o pago das mesmas, despois das confirmacións en xullo, contaban cun "prazo realista" para unhas axudas que precisaron dun investimento de 9 millóns de euros. 

"A realidade é que este ano, coa constitución do novo Goberno, reorganizouse internamente a tramitación do bono social térmico pasando á actual Consellería de Economía e Industria. Unha decisión lóxica, xa que precisamente os beneficiarios dun e doutro bono coinciden", xustificou entón Vila.

Con todo, a finais do mesmo mes de xullo a Xunta confirmou que o bono térmico, que perciben máis de 80.000 fogares, sería suprimido, xa que se trataba dunha medida provisional e que non era tan necesaria agora que as facturas da luz e do gas moderáronse.