'Bono Concilia', axuda da Xunta para pagar coidadores ou campamentos que se pode pedir desde o mércores

O Diario Oficial de Galicia (#DOG) publica este martes as bases do 'Bono Concilia Familia', que segundo avanzou esta mesma semana o presidente galego, Alfonso Rueda, incrementou en máis dun 60% o orzamento inicial na convocatoria deste ano, até alcanzar os 2,6 millóns de euros, para así incluír tamén a nenos de até 13 de idade.

Este Bono está pensado para facilitar a conciliación ás familias con nenos onde os dous proxenitores traballan, ampliar nesta edición a todos os nenos que cumpren este 2024 os 13 anos.

Requisitos:

• Familias con fillos menores que necesiten apoio en períodos de vacacións escolares ou en casos puntuais, como enfermidade ou imposibilidade dos coidadores habituais.
• Estar empadroados en Galicia.

Contías:

A axuda consistirá nunha achega que pode alcanzar até un máximo do 75 % do custo, sendo dun máximo de 500 euros para contratar unha persoa e de 200 para os outros supostos.

Prazos:

O prazo para presentar as solicitudes en 2024 é desde o 18 de setembro até o 17 de outubro. As solicitudes débense presentar de maneira electrónica a través da sede electrónica da Xunta 

O presidente galego ha subliñado que o obxectivo deste programa é que os pais e nais poidan atender as súas necesidades de conciliación de carácter puntual. Por exemplo, por enfermidade ou cuestións laborais, ou durante os períodos de vacacións escolares.

As contías poden ser de até 500 euros por unidade familiar para a contratación dunha persoa empregada no fogar ou servizos de atención á infancia a domicilio, ou de 200 euros por neno para o pago de campamentos ou doutros recursos de conciliación, como ludotecas ou espazos infantís.

Entre as novidades, ademais do incremento orzamentario inicial, a convocatoria amplía de 12 a 13 a idade máxima dos nenos que poden dispor destas axudas. Así mesmo, faise máis sinxela a solicitude para axilizar a súa tramitación e o seu pago.