A incerteza do sector madeireiro galego ante o peche da XERA

La Axencia Galega dá Industria Forestal buscaba a aplicación da I+D+i no sector forestal galego para aumentar a competitividade e sustentabilidade da industria madeireira en Galicia. Ademais, con esta axencia queríase aplicar a mellora na xestión forestal e a creación de sinerxías entre diferentes actores do sector. XERA apoiou proxectos innovadores e contribuíu á profesionalización do sector, fortalecendo a cadea de valor desde o monte até a transformación e comercialización de produtos forestais.

Impacto do peche

A desaparición desta axencia supón a perda dun apoio crucial para as empresas do sector, especialmente PEMES, que dependían das subvencións e asesoramento técnico ofrecido por XERA. A deputada do PSdeG no Parlamento de Galicia Carmen Rodríguez Dacosta ten un sentimento de que por parte de Rueda búscase “querer baleirar de contido á Consellería de Medio Rural, pois coa axencia pechaba o círculo da madeira, sobre todo na construción con este material, algo polo que apostara o propio Rueda”.

XERA até agora fora un motor de innovación na industria forestal. O peche do ente pon na corda frouxa a moitos proxectos de investigación e desenvolvemento que poderían quedar estancados, afectando a modernización e eficiencia do sector. Elier Ojea presidente da Federación de Empresarios de Aserradoiros e Rematantes de Madeira de Galicia (Fearmaga), declaraba que tras unhas conversacións coa Xunta “comunicáronnos que se crearía unha dirección xeral a cal englobaría todos os proxectos da axencia e engadiríanselle máis competencias”. Aínda así, inicialmente tanto Fearmaga e outros actores dentro do sector madeireiro como o Clúster e a asociación Lugo Madeira “recibimos a noticia con preocupación, máis tarde díxollenos que existe un compromiso de comunicación entre Medio Rural e Industria para tramitar todo o relacionado con este sector”.

A industria forestal é un alicerce económico en Galicia, tanto é así, que XERA encargábase de emitir certificados de profesionalidade e formación para o sector forestal. Nos anos de actividade quedara claro que se estaban dando pasos decisivos que empezaban coa constitución de polígonos agroforestais e acababan na industria, sobre todo pensando na construción. “O PSdeG reclamou no seu momento incrementar o orzamento desta entidade ante o desenvolvemento que estaba a tomar o sector forestal” engade Rodríguez Dacosta.
 

Por outra banda, XERA había implementado políticas de sustentabilidade ambiental en Galicia “onde todos sabemos que o monte está mal xestionado e desordenado” apunta Rodríguez. Neste sentido, as diferentes iniciativas orientadas á conservación e aproveitamento responsable dos bosques galegos podería quedar polo menos, en suspenso. “En realidade todo o relacionado co bosque, a madeira e aquilo relacionado coa mesma debería estar cohesionado nun mesmo departamento”.

Futuro do Sector

Elier Ojea non advirte de momento un “peche” de proxectos. “No seu momento apostamos moi forte por XERA para atender ao sector madeireiro tanto na súa primeira transformación como na segunda” sinala. Agora, Ojea considera que “debemos estar atentos e confiados en que non se pechen proxectos relacionados coa mellora desta industria e, se é posible, unha ampla mellora”.
 

O peche de XERA deixou cando menos sorprendido á maioría do sector. Agora, ante a nova etapa que se abre para proxectos de I+D+i, a cuestión é como se poderán articular as políticas de Medio Rural con Economía e Industria sen que haxa un choque de competencias que entorpeza construír até agora.