Tadeo Allende queda en Miami con Messi, o Celta ingresa menos millóns dos esperados

O RC Celta anunciou o acordo co Inter de Miami para o traspaso definitivo de Tadeo Allende, que deixa de pertencer ao club vigués tras un ano de cesión na franquía de Florida, onde asinou unha tempada goleadora sobresaliente. Así o comunicaron os dous clubs en senllos comunicados publicados esta tarde.

O atacante arxentino, que aterrou en Vigo en xaneiro de 2024 procedente de Godoy Cruz, tivo un paso discreto por LaLiga en canto a minutos pero deixou demostrou profesionalidade nos 13 partidos oficiais disputados, con tres goles e unha asistencia.

A operación péchase despois de que Allende, de 26 anos, explotase na MLS como referente ofensivo do Inter de Miami xunto a Leo Messi, con 24 dianas e 3 asistencias en 54 encontros oficiais durante 2025, liderando ademais ao club cara á súa primeira MLS Cup cunha marca de nove tantos nos playoffs. 

Nin o Celta nin o Inter de Miami fixeron públicas as cifras do acordo nos seus comunicados, limitados aos habituais agradecementos e desexos de éxito ao futbolista, e a detallar a duración do contrato no caso do club estadounidense 

​

Uns cinco millóns e sen gran plusvalía

Con todo, diversas informacións publicadas apuntan a que o traspaso se pechou por unha cantidade próxima aos cinco millóns de euros, lixeiramente por encima dos 4,5 millóns que o Celta abonou a Godoy Cruz en 2024.

Esa cifra supón que a plusvalía contable é reducida, xa que a diferenza respecto do investimento inicial é pequeno e, ademais, unha parte dese beneficio debe repartir cos clubs de orixe do xogador.

Na fichaxe de Allende desde Arxentina, Godoy Cruz reservouse un 20% da plusvalía dunha futura venda, porcentaxe que, segundo publicouse, debe compartir á súa vez con Instituto, o club onde se formou o extremo 

Isto implica que, se o traspaso rolda os cinco millóns, o Celta só xera medio millón de plusvalía bruta e ao redor de 100.000 euros desa cantidade desvíanse cara ao fútbol arxentino, antes de descontar posibles comisións e o mecanismo de solidariedade FIFA. 

Impacto no orzamento e o ‘fair play’

Máis aló da escasa plusvalía, na Sede valórase que o club recupera practicamente todo o investimento feito dous anos atrás e, sobre todo, cumpre parte do obxectivo de ingresos por traspasos fixado para esta tempada. 

O Celta ten orzados ao redor de 32 millóns de euros netos en vendas de xogadores até o 30 de xuño de 2026 para evitar perdas, e os case cinco millóns por Allende súmanse a outras operacións, como a saída de Luca da Torre  A marcha definitiva do atacante arxentino tamén ten un efecto directo no límite salarial e na planificación de persoal, ao liberar ficha e masa salarial nun contexto de tope de inscricións apurado. 3

Isto pode permitir á directiva abordar a incorporación dun volante ofensivo reclamado polo corpo técnico e axustar máis o cadro de persoal ás necesidades de Claudio Giráldez. 

Allende, estrela en Miami e contrato longo

En Florida, o Inter de Miami ha oficializado a fichaxe en propiedade de Allende, que ocupará praza internacional e firma un contrato de longa duración, até xuño de 2030 con opción até 2031, tras o seu brillante ano a préstamo. 

​
O club da MLS destaca que o dianteiro foi peza crave no ataque, segundo máximo goleador da liga en 2025 e protagonista do título da MLS Cup, onde bateu a marca de goles nunha soa postemporada. 

​

Fontes próximas á negociación sinalan que o desexo do futbolista de continuar xunto a Leo Messi e manter o seu rol nun proxecto gañador foi un factor importante para pechar o acordo, incluso aceptando non ocupar unha das prazas de xogador franquía na MLS. 

Outras franquías do campionato estadounidense haberían posto sobre a mesa salarios superiores, pero Allende priorizaría estabilidade deportiva e continuidade no mesmo contorna competitiva. 

​ 

Na afección celeste, o debate céntrase en si o club podía obter unha compensación maior tras a explosión goleadora de Allende na MLS, sobre todo tendo a exposición mediática que supón ser o escudeiro de Messi, xa que nun primeiro momento manexábanse cantidades ao redor do seis ou mesmo dez millóns de euros, aínda que finalmente a negociación pechouse á baixa.