Rafael Louzán, tranquilo e seguro da súa absolución xudicial: "A xente confiou en min"

Rafael Louzán,  presidente da Real Federación Galega de Fútbol (RFGF), Salvador Gomar, presidente da federación valenciana, e Sergio Marchán, presidente da estremeña, son os candidatos a presidir a Real Federación Española de Fútbol (#RFEF). De todos eles, o galego é o principal favorito despois de reunir máis de medio centenar de avais e ser considerado, tras a saída de Pedro Rocha, o sucesor natural de Luís Rubiales á fronte da Federación. Con todo, as condenas xudiciais parecen acurralar a Louzán, aínda que este se mostra moi confiado de que os seus paseos polos xulgados nin lle pasarán factura nin lle impedirán presidir o fútbol español.

"VAIME A ABSOLVER"

Na entrevista concedida á diario Marca, Louzán recoñece que en febreiro ten "unha cita coa Xustiza", xa que será entón cando se pronunciará o Tribunal Supremo e coñecerase si, finalmente, queda ou non inhabilitado para exercer un cargo público, tal e como foi condenado en primeira e segunda instancia. De feito, na súa apelación ratificouse a condena por prevaricación , pero foi absolto polo cargo de fraude na Audiencia Provincial de Pontevedra.

Nese sentido, o aínda presidente da RFGF admite que pasou moito tempo sobre os feitos xulgados, que datan de 2011. A lentitude da Xustiza na instrución da 'Operación Patos', cunha serie de investigacións en distintas pezas da mesma, levou até a condena a Louzán en febreiro de 2021, sete anos despois de alcanzar a presidencia da RFGF e moito despois de abandonar a presidencia da Deputación de Pontevedra. 

No entanto, o de Ribadumia di crer "firmemente na Xustiza". "Vaime a absolver", sentenza. Nesa liña, expresa que a súa situación xudicial non lle restou apoios na súa carreira ao despacho principal da Cidade do Fútbol de Las Rozas: "A xente confiou en min e deu a maioría dos avais, o cal é para sentir dobremente gratificado e responsabilizado". Tampouco perdeu influencia neste tempo na Xunta de Galicia, onde nin Alberto Núñez Feijóo primeiro nin Alfonso Rueda despois entraron a considerar o posible cesamento de Louzán, aínda que esta decisión, en calquera caso, non correspondería ao Goberno de Galicia. 

LOUZÁN CONTRA O CSD

Para o candidato, ao que lle "avala" a "presunción de inocencia", a súa condena debeuse a "unha cuestión de interpretación da Lei de Contratos". Interpretación que, nun primeiro momento, valeulle unha condena a dous anos de prisión. 

Este envurullo procesual é o que levou ao Consello Superior de Deportes (#CSD) a tomar distancia con Louzán e ao seu presidente, José Manuel Rodríguez Uribes, declarar que se o galego é finalmente un candidato en firme, o organismo terá que tomar cartas no asunto e denuncialo ante o Tribunal de Arbitraxe Deportiva. 

"Hai un problema aí que ten que ver coa súa situación concreta de dúas sentenzas que lle condenan por prevaricación, pendente do Tribunal Supremo, pero tamén iso xera incerteza, ese é o problema real", afirma Uribes. "A orde ministerial é clara e non hai problema para que estea aquí. Rango superior aos estatutos da Federación", responde Louzán.

A CHAVE DE RIAZOR?

En calquera caso, e á espera de que o TS se pronuncie respecto diso, todo parece indicar que o larguísimo percorrido xudicial da Operación Patos terá unha deriva aínda maior si finalmente o TAD acaba sendo o que dite sentenza contra Louzán. Do gañador das eleccións á RFEF sairá a persoa que guiará a España nos seus primeiros pasos na organización do Mundial de España 2030 e dirixirá todos os investimentos que terán que levar a cabo para remodelar os estadios e demais recintos que darán acubillo ás seleccións mundialistas. 

O Estadio de Riazor ou a Cidade Deportiva Afouteza aspiran a estar nese Mundial, pero a carreira é moi longa e aínda hai opcións de que caian das quinielas. De feito, os últimos informes da #FIFA sementan moitas dúbidas sobre a candidatura española e a capacidade organizativa da RFEF, especialmente en aspectos como as infraestruturas e a idoneidade dalgúns dos seus estadios. 

O de Riazor aínda non cumpre as condicións que esixe a FIFA para poder albergar partidos da Copa do Mundo, o que, a priori, podería deixala na cuneta se hai que descartar estadios, o cal é moi probable e, seguramente, caian un dos propostos por España e outro dos ao lado marroquí. Nunha hipotética presidencia de Louzán, é posible que A Coruña teña máis preto repetir a experiencia vivida no Mundial de España 82.