Borja Fernández rompe ao falar do 'Caso Oikos': "A investigación foi unha chapuza; fodéronme a vida"

21 puntos de 30 posibles é a marca que hoxe contempla á Unión Deportiva Ourense, que comparte a cabeza do liderado da Terceira RFEF coa sorprendente Sarriá. Aos mandos da UDO está Borja Fernández, excentrocampista de, entre outros, Real Madrid, Deportivo da Coruña ou Real Valladolid que agora iniciou a súa carreira nos bancos. De momento a cousa marcha ben e todo apunta a que hai madeira de preparador nun Borja Fernández que a punto estivo de mandar todo ao garete cando, nada máis retirar, o seu nome apareceu vinculado ao 'Caso Oikos', unha trama de apostas ilegais que mancharon o seu bo nome.

"FODÉRONME A VIDA"

O caso alargouse no tempo e as pescudas non conduciron a nada. Moitos dos investigados, entre eles Borja Fernández, quedaron libres de todos os cargos, pero o dano mediático xa estaba feito. O futbolista ourensán viu como durante ese proceso pechábanselle moitas portas e todas as secuelas que lle deixou unha investigación que mesmo o levou pasar tres noites no calabozo.

De todo isto fala o agora técnico nunha entrevista con Marca , onde critica ás autoridades pola "chapuza" que foi a investigación. "Quedei tirado. Os policías que non fixeron o seu traballo seguiron traballando. O que se gastou todo o diñeiro en avogados fun eu", lamenta Fernández, que con todo aguanta a compustra e di que "a vida segue" e que, polo menos, "demostrei que non había nada contra min". 

"A investigación foi unha chapuza e fodéronme a vida por como eu levaba enfocado o meu camiño", censura o adestrador que, se chegou ao Couto, foi porque a consecuencia desta investigación racharon a súa relación co Real Valladolid, un dos equipos da súa vida, acusando á dirección do cadro valisoletano de" non manter a súa palabra" cunha das lendas da entidade, coa que chegou a portar o brazalete de capitán e celebrar dous ascensos a Primeira División. 

"Sempre quixen ser adestrador. O fútbol comigo sempre se portou ben. O que se portou mal foi o Valladolid, tocoume na miña 'casa', non me deron o posto que me prometeron", reprende á directiva blanquivioleta. No entanto, cuestionado sobre si existía unha man negra, Fernández considera que "a Policía quería facer ruído" e considera unha contradición a loita contra as apostas mentres moitos clubs da liga "levan publicidade das casas de apostas" nas súas camisetas. "Creo que é un pouco morro permitir iso", razoa. 
 

As "DESASTROSAS" OBRAS NO Couto

Ademais do 'Caso Oikos', o exjugador falou das súas empresas no sector do viño, do VAR ou da remodelación no Couto, dedicando tamén unhas palabras ás administracións e tachando de "un pouco desastre" as obras no coliseo auriense. "Se cadra bótanme a rifa", admite, pero criticando que aínda que o campo está bonito "aos vestiarios déronlle unha man de pintura cando se podían facer cousas moito mellores".

"A bancada que hai está inservible para o fútbol profesional... Paréceme desastroso. Se queres facer un lavado de face a un estadio que necesita unhas reformas importantes, pois moi ben. Maquillouse o que vai saír en televisión, que é o céspede, e listo", resolveu.