Os partidos de Arenteiro, Lugo, Ourense e Celta B poderán verse pola TVG esta tempada

A Televisión de Galicia chegou a un acordo para televisar unha tempada máis os partidos dos equipos galegos na categoría de bronce do fútbol español, a primeira RFEF. As retransmisións empezan este fin de de semana co R.C. Celta Fortuna-Unionistas de Salamanca o sábado ás 19,30 horas.

O R.C. Celta Fortuna, C.D. Arenteiro, C.D. Lugo e Ourense CF pelexarán polo liderado do Grupo Primeiro da categoría e a batalla empeza este fin de semana.

A TVG e ATM Broadcast, a empresa que posúe os dereitos desta categoría, chegaron a un acordo para a emisión de 50 partidos durante esta tempada e os encontros poderán verse en toda España a través da plataforma AGalega.gal, e tamén na televisión a través da G2.

Así o destacou a CRTVG nun comunicado, no que sinala que a Radio Galega no 'Galicia en goles' fará como sempre tamén especial cobertura da categoría con narración e seguimento dos partidos dos equipos galegos.

AGalega.gal é a plataforma dixital de contidos en galego máis grande do e pode acceder a ela de forma gratuíta.