Fracasa a moción de censura na Federación Galega de Automobilismo

A Federación Galega de Automobilismo celebrou este sábado ás 14:30 a votación para a moción de censura contra o actual presidente da mesma, Antonio Rodríguez Troitiño. Esta moción foi presentada polo anterior número dous da Federación, Alfonso García Eiriz, quen compartira listas co actual presidente.

A votación confirmou a Rodríguez Troitiño na presidencia con 31 votos, fronte aos 20 a favor, un voto en branco e un voto nulo dun total de 53 votos emitidos.

As motivacións para a moción de censura impulsada por García Eiriz  baséanse nun presunto "incumprimento do programa electoral" e a "brecha aberta entre presidente e federado" desde o pasado mes de agosto. Ademais constaban cuestións xudiciais polos seguros dos rallyes en Galicia e as supostas presións para cobrar máis por parte do ex-secretario.

INTERVENCIÓN DE TROITIÑO

O proxecto do actual presidente da FGA convenceu aos asembleistas que se presentaron esta mañá no Auditorio de Lalín. Na súa intervención, Antonio Rodríguez Troitiño incidiu en que "ouna moción de censura é un instrumento que se debe utilizar para esixir responsabilidades políticas a un gobernante; pero iso non é o que queren facer vostede e boa parte dos que o apoiaron inicialmente con esta moción de censura, vostedes queren facer unha utilización perversa deste dereito democrático, porque o que queren é convertela nun atallo para asaltar a presidencia da federación sen esperar a pasar por unhas urnas dentro de dous anos” e engadiu, referir aos prazos da moción que “e precisamente son esas présas, e esa urxencia, as que me levaron a afirmar fai un par de semanas que esta moción de censura é legal, pero ilexítima e inxustificada. Hoxe, aquí, diante de todos os asembleístas”.

Nun ton conciliador, despois de debullar o feito até agora e o que esta por vir, o presidente da FGA destacou en agradecemento a Alfonso García Eiriz que “non sería presidente da federación sen a axuda que vostede deume despois dun acordo alcanzado nunha cea celebrada hai xa ao redor de tres anos no Carballiño. Recoñézolle ese mérito e agradecinllo. Pero tamén, sexamos sensatos: unha cousa é que vostede colaborase e outra cousa é que vostede fixéseme presidente. Quen me fixo a min presidente foron os centos de persoas que votaron aos membros desta asemblea. Vostede sabe perfectamente que naquel momento aceptou que eu fora o candidato porque era consciente de que traballando xuntos era a única posibilidade de desbancar a Iván Corral e vostede tamén sabía que nós xa tiñamos catro veces máis apoios que vostede”.

Na recta final da súa intervención, limitada a 30 minutos por cada un dos relatores e antes da votación que finalizou con 31 votos en contra da moción, 20 a favor, 1 en branco e un 1 nulo, Troitiño recoñeceu que “sexa cal sexa o resultado da votación, Antonio Rodríguez Troitiño vaino a aceptar. Só espero que polo ben do noso deporte vostedes fagan o mesmo e a directiva que siga poida traballar con absoluta normalidade e tranquilidade até o final do mandato. Moitas grazas a votar con sentidiño”.