As primeiras neves do ano na montaña ourensá tinguen de branco a estación de Manzaneda

A Estación de Montaña de Manzaneda ofrecía este venres unha preciosa postal invernal con motivo das primeiras neves do 2024 na cabeza de Manzaneda. As temperaturas caeron en toda a provincia e esta madrugada Melchor, Gaspar e Baltasar terán que abrir paso entre a neve que cobre as pistas de esquí, que con todo aínda permanecen pechas.

"Seguimos traballando ao 200% para abrir canto antes, aínda que de momento toca esperar un pouquiño máis", sinalan desde a Estación de Montaña, onde aínda teñen que pór a punto a maquinaria para poder ofrecer unha experiencia plena nos deportes invernais.

A neve é unha moi boa noticia para a actividade económica nesa zona de Ourense, que se ha reinventado nos últimos anos para ofrecer moito máis que esquí. De feito, nestes momentos, aínda que os telesillas permanecen parados, a Estación de Montaña ten operativo o seu spa e a súa piscina, así como os seus servizos de restauración.

Precisamente, en 2023 Manzaneda pechou o ano cun gran número de eventos deportivos, que van desde o trial até as probas de carga e recate que se celebraron coa Protección Civil de Trives e Manzaneda, pero tamén cos concertos de verán. En calquera caso, os operarios confían en que siga nevando nos próximos días para ampliar o número de actividades.