A revolución salvadoreña de Rubén da Barreira dura só tres meses e regresa a Europa para dirixir ao Vizela

A todos sorprendeu a fichaxe de Rubén da Barreira pola Selección do Salvador. Non tanto polas capacidades do técnico, contrastadas, senón polo exótico da proposta e o paso que supuña ao saír de Europa. O galego, a pesar da súa mocidade, presume de varios ascensos no seu palmarés e de adestrar en España , Qatar ou Romanía. O seu salto ao fútbol de seleccións foi un acontecemento no país centroamericano, que esperaba vivir unha revolución coas ideas do novo seleccionador. Un cambio de rumbo que só durou tres meses, xa que da Barreira aceptou unha oferta do fútbol portugués para renunciar ao seu cargo e abandonar San Salvador.

A peripecia do galego no país cuscatleco durou escasos tres meses antes de embarcar nun novo proxecto deportivo co obxectivo de salvar do descenso ao Vizela, que marcha penúltimo na liga lusa, a un punto da salvación. A coruñés toma as rendas dun equipo que ten nas súas filas a compatriotas como Alberto Soro, Pedro Ortiz ou Iker Unzueta e vellos coñecidos do preparador como o ucraíno Ledebenko, ao que dirixiu en Riazor , de onde saíu de forma precipitada o pasado verán despois de caer en playoff ante o Castelló, pondo fin á súa segunda etapa como branquiazul.

O técnico non puido rexeitar a posibilidade de volver adestrar nunha gran liga europea e en Primeira, cun contrato mellor e co club portugués disposto a pagar o seu clausula de rescisión. Medios salvadoreños apuntan que da Barreira xa meditaba abandonar o país só un mes e medio despois do seu nomeamento, cando outra proposta lle fixo reformular o seu futuro. Entón a Federación moveu ficha para convencer ao ex de Dépor, Cultural ou Albacete de que quedase, pero agora non quixeron presionar máis para a continuidade do adestrador

No Salvador o seu nomeamento non estivo exento de polémica, ao considerar moitos salvadoreños que non tiña os mínimos coñecementos previos do fútbol do país como para desenvolver a súa idea de xogo. A súa renuncia levou a moitos analistas do país a beiras do Pacífico a tachar ao xa ex seleccionador de "mercenario" ou "lercho". 

Co Salvador cultivou tres empates e unha derrota en catro partidos dirixidos. Un moi pobre bagaxe para o adiestrador herculino, que necesitará máis sorte en Portugal para reverter o rumbo do equipo afincado no norte de Portugal.