O CD Burela FS advirte dunha estafa na que se pide diñeiro en nome do club a través de chamadas a colaboradores

O club deportivo Peixes Rubén de fútbol sala de Burela alertou sobre unha posible estafa solicitando a colaboradores da entidade achegas económicas para unha revista en nome do CD Burela FS.

Así o notificou o club en redes sociais, onde detallaron que tiveron coñecemento de que se están producindo chamadas telefónicas pedindo diñeiro a algún dos seus colaboradores.

Ante esta circunstancia, denuncian que se trata dunha estafa e lembran que desde o club "nunca se solicita solaboración económica pedindo número de conta bancaria nin bizum".