Este luns presentarase a terceira edición da Tripla Coroa Illas Atlánticas

O vindeiro luns, día 4 de setembro, ás 12:00 terá lugar a presentación da segunda proba de natación da terceira edición da Tripla Coroa Illas Atlánticas, no Paseo do Malecón, na localidade coruñesa de Ribeira. Este evento celebrarase entre a illa de Sálvora e a Costa de Ribeira o sábado 9 de setembro.

Está organizado por Atlantic Extreme Sports e consiste en tres probas de natación de longa distancia nas que se percorrerán 19 quilómetros. Entre os tres anos de celebración da proba, entre 2022 e 2024, o percorrido total suma os 57 quilómetros.

Ao acto de presentación desta proba asistirán o alcalde de Ribeira, Luís Pérez, e o concelleiro de deportes do municipio, Xabier Vidal. Acompañaraos a Directora Xeral de Patrimonio Natural, Belén María do Campo Piñeiro; o director da zona Barbanza de Abanca, Jesús Soto; o presidente do Club Náutico de Ribeira, José Luís Torres-Colomer; a generente de comunicación de Coca-Cola Europacific Partners na zona Norte, María Troncoso Calvo; o presidente da Asociación de Empresarios de Ribeira, Francisco Martínez; o xerente da división náutica de Náutica A Poutada, Fernando Pérez Sobrido; o director de Arraianos Produccións, Áser Álvarez; Jesús Collazo, en representación do concesionario de automóbiles Suzuka Móbil, e a directora de organización da proba, Beatriz Alvariño.