Máis de 3.000 persoas participarán este domingo na carreira popular 'Coruña10'
As cifras da carreira deste ano supoñen a recuperación dos datos anteriores á pandemia
A carreira popular 'Coruña10' reunirá nas rúas da cidade herculina a 3.067 corredores e corredoras este domingo, día 23, segundo informou o consistorio. Estes datos supoñen a recuperación das cifras de participación previas á pandemia.
Do total de persoas que hai inscritas, competirán na categoría absoluta 2.181 persoas, e nas modalidades inferiores, 886. A proba dará comezo ás 10:00 horas desde Porta Real e transcorrerá polos Cantóns, Linares Rivas e os terreos intereriores do porto, finalizando de novo na Mariña. O circuíto está homologado pola Federación Española de Atletismo.
Segundo informou a alcaldea da cidade, Inés Rey, as persoas inscritas poderán recoller as súas camisetas e dorsais este venres e sábado na sección de Deportes do Corte Inglés de Ramón e Cajal.
Haberá ademais a posibilidade de recoller o dorsal o domingo no espazo que se habilitará no Parrote, a partir das 9:00 da mañá e até media hora antes do inicio da proba.
Escribe o teu comentario