A Estación de Manzaneda abre por sexto fin de semana consecutivo

O primeiro fin de semana de marzo vén cargado de neve na Estación de Montañan de Manzaneda. Esta abrirá unha vez máis as súas portas para a práctica de esquí e snowboard. Farao ademais batendo a marca de pistas, entre 10 e 12.

Segundo indican as predicións meteorolóxicas, o sol volverá marcar as próximas dúas xornadas, polo que se espera outro gran fin de semana de neve en Manzaneda, superando cada fin de semana a influencia do anterior desde que abriu por primeira vez para a práctica de esquí.

Unha vez máis, os servizos de restauración estarán abertos e reforzados, ademais dos aloxamentos, entre os que se inclúen un total de 34 apartamentos con baño e cociña equipada.

A estación dispón tamén de dúas albergues, o Bibei, con 88 prazas distribuídas en habitacións de 18, 16, 10 e 2 para coidadores, e o Queixa, con 66 prazas distribuídas en habitacións de 14, 10, 8 e 6, todos eles con baños comunitarios por plantas.

Como novidade das últimas semanas, a Estación de Manzaneda puxo a disposición dos visitantes un autobús gratuíto para o traslado desde o acceso da Estación até o despacho de billetes, a cafetaría e os apartamentos, que funcionará entre as 10:00 e as 16:00 horas, tanto do sábado como do domingo, facilitando a mobilidade interior.