Oswaldo Digón e David Amor protagonizan o regreso dos 'monólogos R' en Vigo e A Coruña

Para reir ata que doian as costelas, ata que saian agujetas, ata que teñas a cara vermella e caian lagrimones. Iso é o que perisguen os de R coa iniciativa 'monólogos R', que leva xa 18 edicións levando por toda a xeografía galega aos mellores humoristas e que segue apostando polo bo humor para facer chegar ao público as historias máis desternillantes e as reflexións máis hilarantes nalgúns dos recintos máis emblemáticos do país.

18 ANOS DE RISAS

Para esta XVIII Edición, os 'monólogos R' traen a Vigo e A Coruña aos cómicos Oswlado Digón e David Amor. Aterrarán este venres 6 de febreiro ás 21 horas no Auditorio Mar de Vigo para alegría de toda a cidade olívica antes de saltar o 13 de febreiro ao Palacio de Exposicións e Congresos (Palexco) da Coruña, tamén ás 21 horas. 

Con case dúas décadas de traxectoria ás costas, os 'monólogos R' fixeron rir a miles de galegos nestes 18 anos onde o operador galego erixiuse como un dos principais apoios dos artistas do país. Digón, de Cervantes, e Amor, de Salceda de Caselas, son un claro exemplo desta aposta coa que R chega á comunidade para sacarlle a mellor dos sorrisos. 

'IN-CERTO' E 'LOVE ESTÁ NON AIRE'

Nesta ocasión, o cervantino presenta 'In-Certo', un show onde o público tamén toma a palabra, pois é cos espectadores cos que inicia un diálogo que nunca se sabe a dirección que vai tomar, pois Digón fíxase nesas pequenas cousas que poden pasar inadvertidas, pero ás que o ollo experto sabe sacar punta. Ademais, a presenza da tecnlogía na nosa vida diaria ou as fake news serán algúns dos temas que sairán á palestra. 

No caso de David Amor, un dos rostros máis reconocibles da comida a nivel nacional, o seu espectáculo 'Love está non aire' defínese como o "máis sincero do mundo", porque descobre todas as intimidades do galego, que se abre ao público de maneira descarnada e xocosa para tratar asuntos como algunhas das súas obsesións, como os aeroportos, que agora ocupan gran parte do seu pensamento. 

Por outra banda, desde R advirten ao público que hai moito máis do que poden contar neste ciclo de monólogos, pois para esta edición hai "algunha novidade inesperada" que pillará á audiencia por sorpresa. Para saber de que se trata, hai que facer cunha das cotizadas entradas para estes shows no marco dunha iniciativa que xa reuniu a máis de 53.000 asistentes nestes anos, pasando por 30 municipios e deixando gargalladas alá por onde pasa, contando con algúns nomes de primeira orde como Marita Martínez, Javier Veiga, David Perdomo, Marta Doviro, Carlos Blanco, Xosé A. Touriñán ou Rober Adegas.