Baiuca, un fenómeno musical máis aló de Pedrafita: esgotada a súa cuarta Riviera e Sold Out na Razzmatazz

O 2025 foi un ano para o recordo en casa de Baiuca. No seu álbum de fotos pode presumir de tocar e enchido nalgúns dos recintos máis importantes, xa non só de Galicia, onde en xaneiro do ano pasado encheu durante varios días a Sala Capitol, entre outros moitos exemplos, senón que a súa música traspasou as fronteiras galegas e chegado a Madrid ou Barcelona, colgando o cartel de 'Sold Out' en espazos como Riviera ou Razzmatazz. O de Catoira suma e segue, porque as previsións son que 2026 vai ser, se non máis, polo menos igual de exitoso que o ano anterior.

DÚAS SALAS CON SOLD OUT E XIRA CON PARADAS INTERNACIONAIS

Tras a publicación de 'Barullo', a demanda para ver a Baiuca en concerto disparouse, convocando a máis de 15.000 persoas ás súas actuacións. A febre polo galego non decreceu na Riviera, por cuarta vez, esgotou os boletos no despacho de billetes do local madrileño, onde actuará este venres 9 de xaneiro e o sábado 10. É a cuarta vez en só 10 meses que anuncia un cheo na capital. 

Ocorre o mesmo en Barcelona, onde a Razzmatazz, por segunda vez, anuncia que tampouco ten papel suficiente para satisfacer a demanda de entradas. Así, completa un dobrete histórico na cidade condal, onde o esperan para o 16 de xaneiro. 

Non serán os seus únias paradas nesta xira de inverno. Se o ano pasado foron Lisboa ou Londres algunhas das súas paradas, este ano non quedará curto volvendo á cidade do Támesis, ademais da Glasgow ou Bruxelas. Por España, ademais de Madrid e Barcelona, ten programados concertos en Zaragoza, Valencia, Xixón, Sevilla, Bilbao, Pamplona ou A Coruña, o 6 de febreiro na Sala Pelícano da cidade herculina. 

Todo isto sucede no marco da xira 'Fin do Barullo Tour' e ás portas de lanzar o próximo 16 de xaneiro 'Barullo Remixes', unha volta de porca a 'Barullo', cos exemplos dos adiantos co canario Ale Acosta, a chilena Fernanda Arrau ou o dúo venezolano-arxentino PANASOMA. O próximo avance chegará da man do tamén chileno DJ Raff, este venres 9 de xaneiro, co tema 'Sísamo' como escusa para esta alianza.