Aparece unha fortificación no castro de Barbude, A Estrada

Así, a estrutura localizada, aínda en proceso de estudo, correspóndese cunha fortificación defensiva na que se inclúe tanto a construción exterior como un segundo elemento circular que, segundo os primeiros indicios, podería ser da época castrexa.

O conselleiro sinalou que "se trata de importante achado" que axuda a ampliar o coñecemento sobre o patrimonio histórico de Galicia, e que se complementa coa localización de material cerámico da Idade de Hierro.

Esta actuación, cunha achega de 17.700 euros, se enmarcha no Plan de actuacións arqueolóxicas da Consellería, dotado con 1,5 millóns de euros, e que ten como finalidade a conservación dos xacementos e a difusión de información histórica á cidadanía.

No caso de Barbude, os traballos están centrados na limpeza dos perfís de acceso á zona máis alta do castro, e na realización de dúas sondaxes arqueolóxicas para avaliar unha das parcelas e o camiño de acceso. O proxecto complétase coa elaboración de material divulgativo, como un vídeo ou unha reportaxe fotográfica aéreo.

Ademais, este sábado e en colaboración co Concello da Estrada, organizouse unha visita guiada gratuíta para dar a coñecer á cidadanía os resultados desta actuación.

AUDIOLIBRO 
Por outra banda, López Campos participou este xoves na presentación do audiolibro 'Retrincos. Un ollo de vidro', unha iniciativa da Xunta en colaboración coa editorial Galaxia, con motivo da celebración do Ano Castelao.

Na presentación, o conselleiro puxo en valor a aposta da Xunta pola produción de audiolibros, no marco das políticas de apoio ao sector do libro e explicou que, grazas á convocatoria de axudas autonómicas encamiñadas a apoiar a produción deste tipo de recursos, este ano favorecéronse 19 proxectos deste tipo, en colaboración con cinco empresas editoriais, cun orzamento de 76.300 euros.

O obxectivo, engadiu, é que este tipo de material estea dispoñible nas principais plataformas de venda de libros en formato dixital, á vez que se van incorporando á Plataforma de Préstamo Dixital GaliciaLe.

Finalmente, no peche do Ano Castelao, o conselleiro agradeceu a implicación das persoas que colaboraron na narración deste audiolibro, e puxo en valor as actividades levadas a cabo durante 2025 para lembrar e dar a coñecer a figura do intelectual e político galego, entre elas, publicacións, exposicións, ou xornadas.