A pianista Elsa Muñiz inicia a xira de 'New Beginnings' no Festival da Luz

Este domingo, coincidindo co final de agosto, será o inicio dun novo comezo. Será o pistoletazo de Elsa Muñiz e os seus directos con motivo do seu último traballo, 'New Beginnings', que arrincarán ao abrigo dunha referencia na música nacional como Luz Casal e na súa casa, o Festival da Luz, onde este 31 de agosto ofrecerá o primeiro dunha serie de concertos.

MÁIS QUE UN CONCERTO

Integrando un cartel de altura xunto a nomes como Rozalén, Rigoberta Bandini, Ultraligera, Depedro ou Tanxugueiras, Muñiz e o seu piano ponse en marcha en Boimorro para logo salta a Lugo o venres 5 de setembro, na Capela de Santa María, a Santiago de Compostela o venres 19 de setembro, na Sala do Ámbito Cultural do Corte Inglés, e a Ourense o 10 de ocubre, no Liceo da cidade termal.

"New Beginnings é un álbum profundamente persoal que inaugura unha nova etapa na súa vida e na súa carreira artística. Este libro-disco enmárcase dentro da súa proposta de ‘pianotelling’, un concepto propio co que combina a música de piano co relato emocional de experiencias reais, transformando vivencias persoais en pezas sonoras cargadas de significado", destacan sobre este traballo da boirense,  recoñecida por recibir instrución en lugares tan prestixiosos como a Universidade de Música Fryderyk Chopin de Varsovia. 

A través de nove pezas instumentales, Muñiz fala de asuntos como a saúde mental, a périda ou a esperanza, temas universais que interpelan todo o máis profundo de nós mesmos. "Con este traballo, Elsa Muñiz deixa atrás a seguridade da súa anterior vida profesional para dedicar plenamente á súa vocación musical, construíndo un disco que fala desde a verdade e a emoción", reafirman sobre unha experiencia que resulta imposible de definir: "Non é un concerto. Non é unha charla. É un acto de comunicación profunda".