'Memorias de cara B': unha viaxe por vivencias pouco coñecidas de personaxes galegos

O libro 'Memorias de cara B' (Editorial Elvira) escrito por Fernando Fernández Domonte é un conxunto de vinte e cinco relatos baseados en feitos reais. Todos e cada un deles están narrados en primeira persoa polo ou a narradora que foi protagonista, actor secundario ou simple testemuña dun feito concreto. 

Non son feitos de gran transcendencia senón acontecementos ou anécdotas curiosas (diarias ou sobrevindas) que poderían pasarlle a calquera mortal. Con todo, Fernández Domonte ofrécenos un manexo da narración que disecciona a simple anécdota para desentrañala e deixar ao descuberto a intrahistoria dun acontecemento, o inopinado carácter dun artista ou a alma duns anos concretos.

Nun estilo claro e directo, 'Memorias de cara B' é unha lectura fácil aderezada polo gusto gusto literario e o fino humor que detectamos en cada liña. Baixo estas premisas aparecen nomes como Laxeiro, Fernando Zobel, Xosé Guillermo, Branco Amor, Méndez Ferrín, José Afonso, Georges Moustaki, Dorotea Bárcena, José Luís Gómez, Gloria Muñoz ou Manuel Manquiña. Mesmo Eligio, o que fóra 'queimador maior de Galicia'. 

É este un libro para deleitar coa lectura pois Fernández Domonte é un gran contador de historias, desta forma é posible que haxa quen sinta como propios os relatos deste libro.

 Fernando A. Fernández Domonte, é licenciado en Ciencias da Información pola Univeridad Complutense de Madrid e foi redactor en diversos medios de comunicación, como a Folla do Luns de Vigo, #RTVE, Diario de Galicia ou Diario 16. Foi tamén membro do equipo técnico e responsable de comunicación da Cooperativa de Armadores de Pesca do Porto de Vigo, así como xefe do Gabinete Técnico da Consellería de Pesca da Xunta de Galicia e xefe da Unidade de Comunicación e Relacións Externas do Instituto Tecnolóxico para ou Control do Medio Mariño. Debido a esta relación que mantén o autor coa pesca, coescibió numerosos traballos osbre pesca, marisqueo, acuicultura e seguridade marítima, sendo a súa última publicación o libro de relatos Contos dá beiramar, tamén editado pola editorial Elvira.