O Camiño de Santiago completa a súa sinalización en París e amplía a súa presenza internacional

O Camiño de Santiago continúa ampliando a súa presenza a nivel internacional despois de que se completou a sinalización do trazado do itinerario ao seu paso polo centro de París, concretamente no tramo que une a Villette e Notre Dáme. Deste xeito, a capital de Francia xa conta con todos os indicadores de sinalización da ruta xacobea.

Segundo detallou a Xunta nunha nota de prensa, o acto de colocación das vieiras de bronce celebrouse este domingo cunha camiñada que partiu do parque da Villete e terminou na Île de Citeina, a illa do Sena onde está localizada a catedral de Notre Dáme.

O encargado de colocar unha das vieiras de bronce foi o alcalde de París-Centro, Ariel Weil, e posteriormente tivo lugar un acto con distintas autoridades no Mercado das Flores.

Esta iniciativa partiu da asociación francesa Compostelle 2000, presidida por Martine Souris, se trata dunha asociación creada no ano 1998 e cabe destacar que en 2018 recibiu o Premio Elías Valiña, concedido pola Xunta, pola súa promoción dos valores dos camiños de Santiago.