Camellos lanza 'Candorro', primeiro adianto de 'Gran Hostal', disco que estrearán no seu concerto da Coruña

Vándalos e irreverentes, os compoñentes de Camellos rodeáronse doutros do seu mesmo pau como son os murcianos de Can, unha banda coa que presentan 'Candorro', o primeiro vance do que será o cuarto disco da formación. E é que Camellos, baixo o selo galego Ernie Records, prepara o nacemento do seu último traballo, co que pór patas para arriba a escena musical e para o cal elixiron a Sala Mardi Gras da Coruña para que faga de paritorio.

O concerto do 18 de outubro na sala coruñesa será a primeira actuación tras a publicación do seu novo disco, que estará dispoñible a partir do 10 de outubro. En cuestión de oito días, os máis fieis terán tempo para aprender os novos himnos da banda que, neste primeiro avance, fala de amizades, aquelas que eliximos e que a vida parece pór a proba, un tema do que saben ben neste grupo que ten aos seus compoñente sempre dacabalo entre Madrid, Huesca e algún lugar de Estados Unidos. 

"Nada de manter aos inimigos cerca. Queremos aos nosos ao alcance da man, se pode ser, aínda que a miúdo sexa ao toque de teléfono. Porque ‘Candorro’ é máis que unha palabreja manchega, é unha sensación que todos coñecemos: ese amigo molesto ao que criticas e que che saca de couzón, pero sen o cal a vida perdería todo o seu sentido", detallan desde Camellos sobre este tema co que contan con Guille e Adrián, fiel reflexo de todo o que di a letra desta canción, carta de presentación dun disco que promete non deixar a ninguén indiferente.