Facu Díaz e Miguel Maldonado, 'Por fin xuntos', o 16 de novembro na Coruña

Os humoristas Facu Díaz e Miguel Maldonado actuarán o 16 de novembro no auditorio do Centro Sociocultural Ágora da Coruña co seu espectáculo 'Por fin xuntos'.

Segundo informa o Concello da cidade herculina, estes dous artistas con experiencia en televisión e radio repasarán os dez anos que levan compartindo escenario nunha obra na que "non faltará a súa satírica visión da actualidade política e social".

As entradas, engade, xa están á venda e o espectáculo, que comezará ás 20,00 horas, durará 90 minutos.

Este evento enmárcase na estratexia do goberno local de "levar aos diferentes recintos municipais actuacións humorísticas de gran relevancia nacional", recalca o Consistorio.