Elane e as súas 'Costuras do Karma' aterrarán o 12 de abril na Sala Malavida da Coruña

A base de empeño e talento, o nome de Elane abriuse un oco máis que merecido na primeira plana do hip hop nacional. A artista catalá é unha das voces máis puxantes do panorama e o seu último EP, 'Costuras do Karma', é unha proba do que é capaz de facer cun micro cando soan os ritmos.

Con esta proposta chega de Lleida á Sala Malavida da Coruña, onde ofrecerá un concerto o próximo 12 de abril na súa primeira visita á comunidade para presentar este último traballo, onde aborda temas como o feminismo, a influencia das redes ou o deseamor, aspectos que adquiren unha carga maior tras a desgarrada voz de Elane, que segue coa súa xira de presentación.

"Ao longo de 5 temas, todos moi diferentes entre si, Elane fai alarde da súa habilidade para fusionar estilos e experimentar con novos sons", sinalan os organizadores sobre este traballo no que Elane trata de porlle os puntos de sutura a "todas as feridas que se están pechando".