Así é a proposta da Xunta para a listaxe por especialidades da próxima OPE de Educación

A proposta, para un total de 1.743 prazas, constará de 520 prazas para mestros de Educación Infantil e Primaria, 875 para Secundaria, 57 do corpo de profesores en sectores singulares de FP e 33 de esculas de idiomas.

A Consellería convocará máis de 200 de promoción interna: 200 para que profesores de Secundaria pasen do subgrupo A2 ao A1, máis 11 para acceder ao corpo de inspectores educativos.

A Consellería de Cultura, Educación, FP e Universidades enviou aos sindicatos da mesa sectorial docente unha proposta coa oferta da súa próxima oferta pública de emprego (OPE) para este ano. Constará dun total de 1.743 prazas, se se suman as da taxa de reposición --que substitúen baixas producidas por causas como xubilacións-- e as de promoción interna, segundo consta no documento recolleito por Europa Press.

Así, o groso da OPE son as 520 prazas ofertadas para o corpo de mestres de Educación Infantil e Primaria, e as 875 de profesores de Secundaria, que dan clase en ESO, Bacharelato e Formación Profesional. Ademais, hai outras 57 do corpo de profesores en sectores singulares de FP, máis outras 33 para as escolas oficiais de idiomas.

Xunto a estas, a Consellería convocará máis de 200 de promoción interna: 200 para que profesores de Secundaria pasen do subgrupo A2 ao A1, máis 11 para acceder ao corpo de inspectores educativos. De todas as prazas mencionadas, hai 123 reservadas para persoas con discapacidade.

A oferta será abordada cos sindicatos #CIG, #CCOO, ANPE e #UXT nunha mesa sectorial convocada para o vindeiro martes, 16 de xaneiro, na Escola Galega de Administración Pública (#EGAP), en Santiago.

Fontes das organizacións consultadas por Europa Press xa manifestaron as súas críticas por haberlles trasladado a listaxe de vacantes e o proxecto de decreto da OPE sen consulta previa.

As taxas para participar no proceso, sen ter en conta descontos previstos por diferentes causas --como discapacidade e familia numerosa--, son de 38,02 euros para mestres e profesores de sectores singulares de FP e de 44,17 euros para o resto.

LISTAXE POR ESPECIALIDADES

Por especialidades, as 520 prazas de mestres distribúense como segue:
-- Educación Infantil: 50
-- Inglés: 65
-- Francés: 50
-- Educación Física: 40
-- Música: 20
-- Pedagoxía Terapéutica: 110
-- Audición e Linguaxe: 80
-- Educación Primaria: 105
 

Por outra banda, as 875 vacantes de profesores de Secundaria correspóndense ás seguintes especialidades:
-- Filosofía: 24
-- Latín: 10
-- Lingua Castelá e Literatura: 36
-- Xeografía e Historia: 29
-- Matemáticas: 24 
-- Física e Química: 20
-- Bioloxía e Xeoloxía: 10
-- Debuxo: 15
-- Francés: 10
-- Inglés: 80 
-- Música: 10
-- Educación Física: 46
-- Orientación Educativa: 21 
-- Tecnoloxía: 60
-- Lingua Galega e Literatura: 80
-- Economía: 22
-- Administracións de Empresas: 15
-- Formación e Orientación Laboral: 20
-- Informática: 50
-- Intervención Sociocomunitaria: 22
-- Organización e Xestión Comercial: 17
-- Organización e Procesos de Mantemento de Vehículos: 19
-- Organización e Proxectos de Fabricación Mecánica: 20
-- Procesos de Produción Agraria: 11
-- Sistemas Electrotécnicos e Automáticos: 16
-- Instalacións e Mantemento de Equipos Térmicos e de Fluídos: 10
-- Instalacións Electrotécnicas: 18
-- Operacións e Equipamentos de Produción Agraria: 10
-- Prodcedimientos de Diagnóstico Clínico e Ortoprotésico: 13
-- Procedementos Sanitarios e Asistenciais: 18
-- Procedementos Comerciais: 11
-- Procesos de Xestión Administrativa: 25
-- Sistemas e Aplicacións Informáticas: 65
-- Equipos Electrónicos: 18
 

En canto aos especialistas en sectores singulares de FP, distribúense desta maneira:
-- Cociña e Pastelaría: 10
-- Fabricación e Instalación de Carpintaría e Moble: 11
-- Mantemento de Vehículos: 25
-- Mecanizado e Mantemento de Máquinas: 28
-- Soldadura: 10
Finalmente, nas escolas oficiais de idiomas convócanse 33 prazas:
-- Francés: 11
-- Galego: 7
-- Inglés: 15