O FIV de Vilalba xa ten data e porá os primeiros abonos á venda este xoves

A primavera o sangue altera, pero a música fai que nos ferva, e non é ata que os instrumentos comezan a soar no FIV de Vilalba que podemos concluír coa ivernación dos festivais e dar por finalizado o inverno. O vilalbés é un dos grandes eventos culturais de Galicia e, como non podía ser doutra forma, regresará este 2024 ao grande cun gran cartel, aínda que aínda non hai noticias do mesmo.

O que si sabemos a día de hoxe é que se celebrará os días 26 e 27 de abril e que o festival de música independente poderá á venda as súas primeras entradas este xoves, a partir das 10 horas. Os abonos serán para os 'fivers', os máis fieis ao FIV, que poderán dispor das primeiras entradas desde 25 euros, un prezo que crecerá a medida que se vaian fulminando os tickets. 

Como diciamos, aínda non se coñecen os artistas que comporán o cartel desta XVIII Edición, pero os organizadores, que o ano pasado contaron con Sidonie, Lory Meyers, Sidecars, Carlangas ou A Casa Azul entre as súas apostas, xa advirten que debemos estar moi atentos aos anuncios das próximas semanas. No entanto, con 6.000 asistentes na anterior edición e cun fantástico impacto económico na redonda, desde o FIV avogan por un formato "máis íntimo" e que sexa máis accesible para os veciños da zona, para potenciar desta forma unha mellor relación cos negocios locais e a contorna.