Festival Resesas 2024: catro días de música, do 12 ao 15 de setembro, para pechar o verán en Vilaxoán
Os festivaleros teñen unha cita os días 12, 13, 14 e 15 de setembro cun dos festivais máis grandes e esperados de Galicia.
O verán de 2024 promete, e promete pór fin ao grande en Vilaxoán . Como cada ano, a localidade arousá será a capital mundial da música durante catro días, do 12 ao 15 de setembro, coa celebración dunha nova edición do Festival Resesas, un símbolo do panorama festivalero e cultural do país.
A chaira do porto e o parque de Dona Concha serán, de novo, o recinto encargado de recoller aos amantes da mellor música, cunha programación que, como en anos anteriores, seguro contará cos artistas máis reclamados do panorama internacional, nacional e galego.
Aínda non se coñece nada da composición dun cartel que desde a organización xa avanzan que se desvelará parcialmente nos próximos días, respectando selos do festival como a paridade de xénero ou a presenza de linguas minorizadas.
Ao tempo, anuncian que os primeiros abonos estarán pronto á venda para gozar non só da música, senón tamén das actividades paralelas que acompañan a esta festa que contará coa sardiñada tradicional, o concerto a bordo ou a Gala de Circo Solidaria.
Escribe o teu comentario