Repartición de artistas no PortAmérica: Vetusta Morla o xoves, Aitana o venres, Juanes e Arde Bogotá sábado...

O festival anuncia a distribución dos artistas confirmados por días e pon data á venda de entradas diarias: mañá venres ás 13 horas. 

A falta de máis nomes para completar o xa de seu nutrido cartel do festival de Portas, a organización puxo ás cabezas de cartel repartidos entre os tres días de música. 

O Festival PortAmérica, que se celebrará o 4, 5 e 6 de xullo no municipio pontevedrés de Portas, desvelou o seu cartel por días e activou, a partir deste venres, a venda de entradas para cada xornada.

Segundo informou a organización do evento, as entradas xunto á zona de acampada e aparcadoiro de autocaravanas, sairán o venres a partir das 13,00 horas na páxina web do festival.

O cartel que se descubriu nesta xornada componse dos artistas confirmados até o momento. Así, o primeiro día, xoves día 4, actuará Vetusta Morla, Xoel López, Carlos Sadness, Toquinho, Standstill, Guadi Galego e Mondra.

A oferta do venres será liderada por Aitana e completarana Milo J, Shinova, León Benavente, Caloncho, The Rapants, Marilia Monzón, Besmaya e Sarria.

O broche a esta cita poraa, o sábado, Juanes como cabeza de cartel ao que se sumarán Arde Bogotá, Ilegais, Rodrigo Cuevas, A Randeeira Asasina, Burning e Son Galo Negro.

ZONA DE ACAMPADA 

A acampada será en Portas, a cinco minutos camiñando do recindo da Azucreira, e os interesados poderán realizar a estancia desde o mércores 3 de xullo, día previo ao comezo do festival, até o domingo día 7.

Ademais, poderán acudir co seu autocaravana ou furgoneta camperizada, neste caso, a zona adxudicada a este tipo de transportes estará dispoñible desde o xoves día 4 de xullo até o 7 de xullo.