O Son do Camiño fulmina en apenas 2 horas os abonos postos á venda este venres
A organización anuncia que nas próximas datas poranse á venda as entradas por días, para o 15, 16 e 17 de xuño.
De marca. Cada ano que pasa é un termo que se utiliza con todo o referido ao festival O Son do Camiño, que segue rompendo rexistros a pesar de celebrar o seu IV Edición neste 2023. Un dos grandes eventos do verán en Galicia e a nivel nacional anunciou onte o seu cartel, con grandes artistas como Maluma, Aitana ou Bizarrap encabezando a festa no Monte do Gozo, e esta mesma mañá puxo á venda os abonos, ás 12:30 horas. Pouco antes das 14:30 xa anunciaban os organizadores que xa non lles quedaba papel para imprimir.
Como xa ocorreu en 2022 e en decembro, cando puxeron á venda os algo máis de 30.000 abonos para os fieis ao festival santiagués, os abonos dispoñibles este venres voaron en cuestión de minutos. Desde Esmerarte e Bring The Noise, promotores do festival, celebran que a deste 2023 leve o ritmo de ser a edición "máis multitudinaria até a data.
"Se hai uns meses esgotaba os 33.000 abonos en apenas uns minutos, hoxe esgota en apenas uns minutos os 6.000 abonos que se reservaron para aqueles que preferían coñecer o cartel desta edición para comprar a súa entrada", reflicten, á vez que valoran como un "éxito total" a reacción do público. "O Son Do Camiño volve bater a súa propia marca sendo, de novo, o festival de gran formato que máis rápido esgota as súas entradas".
Agora, xa só queda pór a disposición dos fans os pases por días, que serán postos á venda proximamente. Moitos xa teñen o seu abono baixo chave e marcado o seu calendario en vermello do 15 ao 17 de xuño. vén algo moi grande en Compostela.
Escribe o teu comentario