Román Rodríguez destaca a aprendizaxe de linguas estranxeiras como símbolo de calidade educativa
Na estratexia da Xunta Edulingüe 2030 preténdese enriquecer o apredizaje de idiomas con auxiliares de conversación nativos, unha ampla oferta de actividades, estancias no estranxeiro e intercambios
O conselleiro de Cultura, Educación, FP e Universidades, Román Rodríguez, participou este sábado na inauguración das Xornadas de linguas estranxeiras, organizadas polo seu departamento e dirixidas ao profesorado que quere conectar coas últimas tendencias no ensino de idiomas.
O conselleiro destacou, dentro deste marco, a aposta do Goberno galego polo impulso do as competencias en linguas estranxeiras dos escolares a través da Estratexia Galega de Linguas Estranxeiras, Edulingüe 2030.
Nesta estratexia, segundo indicou o responsable de Educación, a aprendizaxe de diferentes idiomas combínase coa experiencia de diversidade cultural que supón contar con auxiliares de conversación nativos nas aulas e cunha ampla oferta de actividades, como as estancias no estranxeiro ou os intercambios.
Todas estas accións, sinala Rodríguez, permiten ao sistema educativo galego "avanzar cara a novas cotas de calidade", favorecendo a mobilidade internacional do alumnado e o seu éxito educativo.
A actividade formativa conta coa participación de relatoras de diferentes nacionalidades e contextos académicos, como é o caso de Mark Daubney, profesor adxunto do Departamento de Linguas e Literaturas da Facultade de Educación e Ciencias Sociais do Instituto Politécnico de Leiria, ou Donna L. Fields, profesora na Universidade de Valencia, entre outros.
Escribe o teu comentario