Estes son os mellores plans que non podes perder este fin de semana

Monbus Obradoiro - Surne Bilbao Basket: Un encontro deportivo imprescindible, que terá lugar este sábado ás 18:00 no Multiusos Fontes do Sar de Santiago, como parte da liga Endesa 22-23 de baloncesto.

Smoke on the water: O Auditorio Municipal de Cine Alovi, nas Pontes de García Rodríguez tráenos este sábado un espectáculo teatral ás 19:00. Esta obra, da man de Ibuprofeno Teatro, conta unha historia de sexo, drogas, rock and roll, enfermidade, violencia, prostitución, vandalismo e morte, cun toque de amor.

O meu ano favorito: O famoso actor Dani Rovira chega este sábado a Santiago de Compostela, acompañado de Arturo González-Campos. Xuntos, representarán un espectáculo de improvisación, recordos e moita diversión. Trátase do meu ano favorito, un podcast no que acompañaremos aos artistas nunha viaxe a través da comedia. Será ás 19:00 no Auditorio de Abanca, na rúa do Preguntoiro.

Orquestra Clásica de Vigo: Para os amantes da música clásica, a urbe olívica trae este sábado un concerto no Teatro Afundación, no que a Orquestra Clásica de Vigo representará unha das obras máis representativas do minimalismo: o concerto para violín e orquestra de Philip Glass.

#AI: More than Human: Este domingo teremos a última oportunidade de visitar esta exposición na Sede Afundación da Coruña. Trátase dunha mostra que nos realiza un percorrido completo a través da historia da Intelixencia Artificial, desde as súas orixes ancestrais ancorados na relixión sintoísta xaponesa, pasando polos primeiros experimentos informáticos até a época actual.

Memorias dunha moza da costa: A monologuista Marta Dorivo, coñecidas polas súas actuacións e presentacións na TVG, presentaranos este domingo o seu monólogo Memorias dunha moza da costa, en Vimianzo ás 11:00.