Todo listo para a estrea de ‘Recortes, caneos e outras formas de driblar’, unha obra de Champions League

Da pluma de Nacho Carretero, escritor de ‘Fariña’, nace a nova produción de Ainé e o CDG, que se estreará o 29 de setembro no Salón Teatro de Santiago.

 


|

Da pluma de Nacho Carretero, escritor de ‘Fariña’, nace a nova produción de Ainé e o CDG, que se estreará o 29 de setembro no Salón Teatro de Santiago.

 

Tito Asorey dirixe a obra, co fútbol como elemento central e un elenco de estrelas, así como o equipo responsable de ‘Fariña, o espectáculo teatral’. 

 

Presentaciu00f3n de Recortes Aigi Boga60
Foto: Ainé Producións

 

“Algúns cren que o fútbol é só unha cuestión de vida ou morte, pero é algo moito máis importante que iso”. Bill Shankly, lendario técnico do Liverpool, sintetizou como ninguén a paixón polo balompé. Unha paixón que agora tratarán de trasladar sobre o escenario Xosé A. Touriñán, Manuel Cortés, Christian Escudero, Xoán Fórneas, Isabel Garrido e Sergio Zearreta, elenco de de ‘Recortes, caneos e outras formas de driblar’, o último espectáculo baseado nos textos de Nacho Carretero, escritor da exitosa ‘Fariña’ e que agora se zambulle no lado máis escuro do deporte rei. 

 

O espectáculo conta coa dirección de Tito Asorey e a dramaturxia de José L. Prieto, o equipo responsable do éxito de ‘Fariña, o espectáculo teatral’. Un show que, sen once sobre a pista, ten a xogadores, directivos, seareiros e todas as engrenaxes do fútbol encima das táboas. 

 

 

Jacobo Sutil, presidente da Agadic, presentou onte a obra que será a primeira produción do Centro Dramático Galego desta tempada cun equipo de Champions League. Esta mestura de teatro e fútbol para a que reuniron “un equipo gañador” coa alianza con Ainé, “que non ten moitos anos pero é unha das compañías máis versátiles e exitosas”. 

 

Mentres, Fran Núñez, director do CDG, admitiu a emoción deste proxecto, que é, ante todo, un traballo de equipo, e Tito Asorey é o adiestrador dunha obra para seareiros, pero tamén para aqueles que sen ser seareiros entenden a súa dimensión social a nivel planetario. 

 

Presentaciu00f3n de Recortes Aigi Boga50
Foto: Ainé Producións

 

Touriñán foi un dos grandes impulsores desta proposta, como recoñeceu na presentación Nacho Carretero, que aínda está enfrascado no libro. O estreou terá lugar o próximo 29 de setembro no Salón Teatro de Santiago, para despois do 23 de outubro, data na que deixará de estar en cartel na capital, comezará a súa xira por distintas localidades galegas. 

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE