Así salvo a Policía Nacional a un home que ía suicidar dun tiro na Coruña

Axentes da Policía Nacional lograron evitar que un home se suicidase tras ameazar con quitar a vida cunha escopeta, informa a Xefatura Superior de Policía en Galicia.

A actuación policial iniciouse na madrugada do día 31 de xullo cando unha chamada ao 091 alertou sobre a presenza dun home armado cunha escopeta no interior dun portal, coa intención de quitar a vida.

Como información relevante, lémbrase que existe a liña telefónica 024 de atención á conduta suicida, confidencial e gratuíta, destinada tanto a persoas con ideación suicida como aos seus familiares. 

A este portal, sito na Rolda de Outeiro, acudiron varios indicativos do Grupo de Atención ao Cidadán, os cales puideron observar a un home sentado no seu interior, armado cunha escopeta. A culata da arma estaba apoiada no solo e o canón no seu queixo.

Os policías tentan falar con el e insistíronlle en que deixase a arma, tratando de achegase, aínda que nun momento dado, o home, sen soltar a arma, corre cara a unha zona do portal onde deixa de ser visto polos axentes.

É entón cando se activa o Protocolo de Incidentes Críticos, acudindo ao lugar os GOES (Grupo Operativo Especial de Seguridade) e o negociador da Policía Nacional. Tamén se solicita a presenza de sanitarios e da Policía Local da Coruña, que corta o tráfico na zona.

Tras chegar ao lugar, o negociador establece un diálogo co home, que se atopaba nun estado de gran axitación emocional. Chega a despedir en varias ocasións, sen deixar de apuntar coa escopeta no seu queixo e co dedo no disparador.

Mentres tanto, os GOES e resto de policías actuantes permanecen alerta ante a necesidade da súa intervención, á vez que manteñen un perímetro de seguridade para protexer aos veciños, e garantir que o negociador poida facer o seu traballo sen interferencias.

Foi necesario utilizar diferentes estratexias na negociación, ata que unha delas resultou efectiva e o home, pasadas xa o catro da madrugada, deixa ao fin a arma no solo. Tras iso é asistido polos servizos sanitarios e trasladado ao Hospital Universitario da Coruña.