Cervexa de percebes da Costa da Morte

Estrela Galicia lanza de novo o 29 de xullo a súa edición limitada de Fábrica de Cervexas con Percebes dá Costa da Morte, elaborada en colaboración coa Confraría de Percebeiros de Corme e de Portomuíños. En concreto, a compañía elaborou nesta ocasión 100.000 litros de cervexa envasados en botellas de 50 centilitros e barril.

Esta edición de cervexa, "unha homenaxe ao mar e ao labor dos percebeiros", incorpora os percebes durante o proceso de elaboración da cervexa, así como as algas ramallo de mar proprocionadas por Portomuíños.

Neste sentido, o mestre cervexeiro de Estrela Galicia, Luís Alvar, explicou que se incorporan os percebes no proceso de ebulición do mosto e o ramallo de mar no proceso de maduración, á vez que subliñou que se emprega o lúpulo de variedade Magnum, que xunto ao Nugget e ao Perle "ofrece niveis de amargor".

As persoas interesadas en adquirir este produto poderán facer de maneira online na web de Estrela Galicia, así como nas canles habituais de alimentación e hostalería, segundo informou a compañía.