Piden seis anos de prisión para unha muller por estafar na tramitación de contratos de seguros na Coruña

A Audiencia Provincial da Coruña xulgará o vindeiro xoves a unha muller que se enfronta a seis anos de cárcere como autora dun delito de estafa na tramitación de contratos de seguros.

Segundo o Ministerio Público, a procesada traballaba nunha compañía de seguros na que actuaba como comercial e contactaba con diferentes clientes, asinando con eles e en representación da empresa para a que traballa diferentes contratos de seguro.

Desta forma, a muller asinaba suplantando a identidade do titular do contrato do seguro para obter no seu beneficio os rescates das pólizas que tiña contratadas na súa entidade.

Por todo iso, Fiscalía pide para a procesada seis anos de prisión por un delito continuado de falsidade en documento mercantil e deberá indemnizar á compañía asegurados con máis de 211.600 euros.