Falece unha persoa en Oleiros tras un incendio na súa vivenda

Unha persoa faleceu nunha vivenda de Oleiros na que se rexistrou un incendio, segundo informa o Consorcio Provincial Contraincendios e Salvamento no seu último parte.

Ao lugar, na rúa do Xuncal, trasladáronse esta tarde os bombeiros do parque provincial de Arteixo que participaron nos labores de extinción do lume.

O suceso, explican desde o Consorcio, produciuse por motivos que aínda se descoñecen. No operativo, participou tamén o Servizo Municipal de Emerxencias e Urxencias Sanitarias 061.