Hospitalizada unha nena tras un accidente de tráfico en Perillo, Oleiros
Unha menor resultou ferida este domingo nun accidente de tráfico con tres vehículos implicados na estrada AC-173, ao seu paso pola parroquia de Santa Locaia de Perillo, no municipio coruñés de Oleiros.
Segundo trasladou o 112 Galicia, o suceso produciuse pouco antes das 14.00 horas. Nese momento, un particular alertaba deste sinistro no que había tres coches implicados e unha nena ferida.
Ao ter coñecemento dos feitos, os xestores do Centro Integrado de Atención ás Emerxencias (CIAE-112 Galicia) deron aviso aos servizos sanitarios, aos Bombeiros de Arteixo, a Emerxencias Oleiros, á Garda Civil de Tráfico e á Policía Local.
Xa no lugar do accidente, axentes da Policía Local confirmaron que a única persoa ferida na colisión fora a nena, que foi trasladada ao Hospital Materno Infantil da Coruña.
Escribe o teu comentario