Arden catro toneladas de cacao en po nunha nave industrial en Coirós

Esta noite, ao redor das 23:30 horas arderon catro tonelada de cacao en po no interior dunha nave industrial no municipio coruñés de Coirós. A nave está situada no Polígono Industrial de Coirós, no lugar de Parada da parroquia de Santa María de Ois, e ten unhas dimensións de 1.739 metros cadrados.

Segundo informou a central de emerxencias do 112 Galicia, non se tiveron que lamentar danos persoais. Ata a zona acudiron os Bombeiros de Betanzos que se encargaron de sufocar as chamas e de retirar o cacao do interior do local. Tamén interviñeron axentes da Garda Civil.

Para a retirar a mercadoría do interior da nave foi necesaria a axuda dunha pa, facilitada polo servizo de mantemento de carretereras do Ministerio de Fomento.