A eólica volve ser a tecnoloxía que máis electricidade xerou en xaneiro
Case unha cuarta parte de toda a enerxía chegou á rede eléctrica desde os aeroxeradores.
A enerxía eólica produciu o 24,7% da produción total en España no mes de xaneiro, cunha xeración de 5.300 xigawatts hora (GWh), un 10,5% superior á do mesmo mes do ano pasado, encadeando o seu segundo mes consecutivo como a tecnoloxía que máis electricidade xera no sistema eléctrico.
En concreto, os máis de 1.000 parques eólicos españois levan dous meses consecutivos xerando en torno ao 25% da electricidade que se consome, un 25,1% en decembro e 24,7% en xaneiro, segundo informou a Asociación Empresarial Eólica (AEE).
En 2017, a potencia eólica incrementouse nun total de 95,775 megawatts (MW), dos cales 59,1 MW instaláronse nas illas Canarias, elevándose a 23.121 MW instalados en toda España.
O sector eólico conta con 210 centros de industriais en 16 das 17 comunidades autónomas. España é o quinto país en potencia instalada e o cuarto exportador de aeroxeradores a nivel mundial.
Gas Natural Fenosa mantén a súa aposta pola innovación e a enerxía eólica
Galicia terá funcionando en dous anos 18 novos parques eólicos
O BNG reclama que Feijóo pague do seu peto a multa polo concurso eólico
Escribe o teu comentario