​'Mal de moitos', pioneira do teatro galego, volve ás táboas

|

Mal moitos teatro

Cartel da obra.


'Mal de moitos', sainete escrito en 1915 por Euxenio Charlón e Manuel Sánchez Ermida, membros da Irmandade da Fala de Ferrol e impulsores do teatro galego, volve representarse.


A cita é este sábado na Casa-Museo Manuel María, en Outeiro de Rei, e o Grupo de Teatro da Sociedade Cultural Medulio de Ferrol será o encargado de poñelo en escena.


'Mal de moitos' foi unha das pezas galegas máis representadas ata a Guerra Civil en Galicia e posteriormente chegou a América coa emigración.


A obra, que recrea un diálogo entre un ancián e un mozo que volve a Galicia tras meses na emigración, será introducida polo profesor e ensaísta Francisco Rodríguez Sánchez, que falará do teatro das Irmandades e dos autores desta obra, ambientada na parroquia de Ferreira, no municipio de San Sadurniño.


Sobre Charlón e Sánchez Ermida dixo no seu día Carvalho Calero: "Dous artistas de Ferrol que gozaron un tempo de gran popularidade, socios entusiastas do laureado coro local Toxos e Froles, compuxeron pasos e sainetes que podían sempre ser interpretados por dous actores soamente. Eles mesmos daban a coñecer así as súas pezas".


Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1


Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress