O peor do temporal deixa ondas de case dez metros na costa da Coruña

A onda máis alta superou os 15 metros de altura. O momento "máis perigoso" da alerta acabou ás cinco da tarde.


|

Coruna policia local praia

A Coruña pechou os accesos ás praias. Foto: @ConcelloCoruna


O temporal marítimo que obrigou a decretar a alerta vermella en gran parte da costa galega, concretamente na Coruña e Lugo, deixou ondas que se aproximaron aos 10 metros de altura no litoral coruñés.


Así se desprende da información facilitada polo Ministerio de Fomento a través dos datos rexistrados polas boias dependentes de Portos do Estado.


No caso de Langosteira, a boia rexistrou ondada que chegou a superar os 15 metros ao longo da mañá. O valor máximo deuse ás 11.00 horas, cunha onda de 15,35 metros.


Desde Meteogalicia explicaron a Europa Press que esta situación está provocada por unha borrasca moi profunda situada entre Groenlandia e Islandia, e que está a xerar "moito vento" no Atlántico norte.


Así mesmo, prevén que o estado do mar se normalice aos poucos a partir das nove da noite, despois de pasar ás cinco da tarde o momento "máis perigoso" da xornada, coincidindo coa preamar.


relacionada Primeira alerta vermella deste inverno no litoral da Coruña e Lugo

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE