O Xurés non sufriu "danos significativos" polos arrastres en zonas queimadas

|

Pallamontequeimado


O Parque Natural da Baixa Limia-Serra do Xurés non sufriu "danos significativos" nos seus ecosistemas tras os arrastres de solo rexistrados en zonas que afrontaron incendios forestais o pasado outubro, segundo a directora xeral de Patrimonio Natural, Ana María Díaz.


Preguntada en rolda de prensa pola situación neste parque tras as choivas caídas en zonas que arderon, a directora xeral sinalou que se produciron "certos arrastres" e "certa turbidez" no río Salas, "sobre todo" tras o paso da borrasca 'Ana'.


Con todo, valorou que "a rapidez" en actuar para previr o chan de futuros arrastres e escorrentías foi "determinante". Primeiro, segundo explicou, declaráronse as obras de emerxencia e actuouse "inmediatamente" tras os lumes, en coordinación coa Consellería do Medio Rural e baixo o liderado do centro de Lourizán.


Despois das precipitacións, segundo agregou, "volveuse actuar" e "controlouse un dos grandes riscos", que era o dos arrastres.


INVESTIMENTOS EN RECUPERACIÓN


Por outra banda, a conselleira de Medio Ambiente, Beatriz Mato, indicou que a Xunta investiu 500.000 euros na recuperación de terreos queimados nos montes do Xurés e dos Ancares tras os incendios.


Estes traballos de recuperación, que o Goberno galego iniciou hai tres meses, contan cunha partida orzamentaria de 3 millóns de euros, segundo destacou nunha entrevista na Radio Galega, onde tamén dixo que as escorrentías non provocaron danos nas rías.


relacionada Verín queda sen auga potable
relacionada 'Amigos da Terra' levará a cabo actuacións de rexeneración de montes queimados en Ourense
relacionada Existe risco de contaminación na auga das zonas queimadas de Galicia

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1


Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress