Israel bloquea a entrada en Gaza dunha delegación de deputados españois

Participan nunha visita dunha semana e iña previsto entrar xunto á axencia de Nacións Unidas para os Refuxiados Palestinos.


|

Gaza israel palestinaIsrael fala de razóns de "seguridade". Foto: @AntonGomezReino


O Goberno de Israel denegoulle a un grupo de deputados españois que se atopa nos territorios palestinos o permiso que pediran para acceder á Franxa de Gaza.


A comitiva, composta por deputados de PP, PSOE, Podemos, Compromís, Ciudadanos e En Marea (Antón Gómez-Reino), tiña planeado entrar en Gaza mañá xunto á axencia de Nacións Unidas para os Refuxiados Palestinos (UNRWA) como parte dunha visita dunha semana a Palestina que inclúe reunións co presidente palestino, Mahmud Abbas, e o ministro de Exteriores, Riad al Malki, así como con deputados e representantes de ONG.


"É inaceptable que se nos prohiba a entrada a unha delegación parlamentaria con diferentes partidos, tramitándoa polo Ministerio de Exteriores español, cunha visita organizada pola ONU para ver proxectos de cooperación con orzamento español", declarou a Europa Press a deputada socialista e ex secretaria de Estado de Cooperación Soraya Rodríguez. "Non queren que vexamos e contemos o drama humanitario que vive a xente a causa do bloqueo que Israel lles impón", engadiu.



Israel só alegou verbalmente razóns de seguridade para non permitir a entrada dos deputados españois en Gaza.


Amplía esta información en Pressdigital.


Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE