Uns 40 contedores quedan á deriva a 40 millas da costa galega
Salvamento Marítimo informa de que non levan carga perigosa, pero alerta aos barcos que pasan pola zona.
Un buque perdeu parte da súa carga, entre 30 e 45 contedores, a unhas 40 millas enfronte da costa galega, aínda que se descarta que teñan contido perigoso.
Segundo informan fontes de Salvamento Marítimo a Europa Press, o portacontedores MSC Eloane deu aviso na noite do venres ao centro de Fisterra da perda desta carga.
Así, Salvamento Marítimo encargouse de alertar a embarcacións e navegantes da zona para que teñan coidado con estes contedores á deriva, dun tamaño de 40 pés, e poidan evitalos.
Este sábado hai aviso laranxa en todo o litoral galego por ondas de ata sete metros, o que impide actuar para retirar estes contedores do mar, aínda que se cre que algúns deles poden afundir polo seu propio peso. Por iso, Salvamento Marítimo esperará á xornada do domingo para saber se melloran as condicións e se pode levar a cabo un operativo na zona.
Escribe o teu comentario