​A moza que denunciou abusos na Estrada recoñece que era mentira

As contradicións desmontaron a súa denuncia.

A moza que denunciou ser vítima de supostos abusos sexuais por parte dunha decena de mozos nas inmediacións dunha discoteca no municipio da Estrada desmentiuse e pasou a ser investigada por simulación de delito.

Tal e como informaron fontes da Garda Civil, este mesmo martes a moza púxose en contacto cos investigadores para, explicaron, desmentir os feitos que narrara en días previos, e xustificouse en razóns de tipo persoal.

As mesmas fontes indicaron que a moza "se deu conta" de que, despois de que a Policía Xudicial de Lalín realizase varias entrevistas e decatouse de "unha serie de incongruencias e contradicións no relato dos feitos", o Instituto Armado estaba "dubitativo, inquieto cos datos".

Por iso, entenden que tomou a "sabia" decisión de adiantarse a unha detención e desmentiuse. Como consecuencia diso, a moza pasou a ser investigada por simulación de delito, o que xa lle foi notificado e remitido ao xulgado correspondente.